Ալերգիա կաթից

ՀԱՐՑ: Ես կաթնամթերքի հանդեպ ալերգիա չունեմ, սակայն կոնկրետ կաթի օգտագործումից հետո ստամոքսիս հատվածում ուժեղ ցավեր են սկսվում: Ի՞նչն է պատճառը:

ՊԱՏԱՍԽԱՆ: Հավանաբար խոսքը գնում է լակտազային անբավարարության մասին: Դա լակտոզան` կաթնային շաքարը տրոհող լակտազա մարսողական ֆերմենտի ակտիվության թուլացումն է: Սա հաճախ հանդիպող երևույթ է: Շատերը չեն մարսում լակտոզան, սակայն այդպես էլ չեն իմանում այդ մասին, քանի որ պարզապես կաթ չեն օգտագործում:

Համոզվելու համար անցկացվում է ընդհանուր դիագնոստիկա: Այնուհետև հիվանդին նշանակվում է ոչ լակտոզային դիետա և գնահատվում է նրա ընդհանուր վիճակն անալիզների հիման վրա: Կարելի է ամբողջապես դուրս հանել կաթը սննդակարգից առհասարակ, կամ կրճատել դրա կիրառումը: Կարագը, կաթնամթերքն ու պանրեղենը սահմանափակելու կարիք չկա: Ամեն դեպքում, ես խորհուրդ կտայի դիմել գաստրոէնտերոլոգի և անհրաժեշտ ստուգում անցնել:

Հարցեր, պատասխաններ, մեկնաբանություններ